تم تحديث السعر حاليا بي 300 جنيه
لو انتا زي حلاتي بتشرب لمون بالنعناع كتيرررر و زبادي خلاط يبقي البوست ده هيفيدك
انهارده باذا الله هنصنع خلاط مطبخ للعصاير او ضرب الطماطم او طحن التوابل او اي استخدام مطبخي اخر فقط بي 150 جنيه
الفكره اننا هنشتري قطع الخلاط فرط و نقوم احنا بتجمعها
طيب ايه المميزات و العيوب الي هتقابلنا
نبدا بالعيوب اولا
من وجه نظري الذي لا قيمه لها لا يوجد عيوب للموضع فقط الخلاط مش هيبقي في كرتونه الي احنا بنرميها قبل مبنستخدم الخلاط 😎😎
نيجي بقي للمميزات👋
اولا سعر رخيص مقابل نفس الامكانيات الي باسعار عالميه تقريبا اقل خلاط صيني حاليا بي 300 جنيه
ثانيا الخلاط هيكون كامل متكامل يعني شفشق لضرب الطماطم و عمل العصاير و كمان مطحنه للتوابل او للسكر
ثالثا تصنيعك للخلاط هيخليك علي درايه كامل لكل القطع و ده هيخليك في المستقبل مش محتاج توديه للصيانه لانك بسهوله عارف كل جزء فيه
رابعا اظن ان حضرتك لو عندك خلاط قديم و فكرت تروح تصلح هتصرف مش اقل من 80 جنيه و هنا فكرتنا ان ماتور الخلاط الجديد بي 80 جنيه فبكل سهوله هغير الماتور بنفسي و يبقي ماتور جديد لانج بدل الصيانه
خامسا لو حضرتك بتجهز بنتك و طبعا هتجبلها مجموعه برون و هند ميكر وووووو حجات كتير بالفات اعملها خلاط من دول بي 150 جنيه تستخدم في شغل الطحن و توفر استخدام الحجات ام الفات علشان متهلكهاش
سادسا الفكره اولا و اخير لتوفير بعض المبالغ الكبيره و انتاج حاجه باقل تكلفه
هنا بعد محددنا العيوب و المميزات اظنك وافقت انك تشتغل معايا ودلوقتي معادنا مع المقادير 😂😂 اقصد القطع و الاسعار 😘😘
1/ ماتور خلاط ماركه سامسون و ده من افضل المواتير حاليا في السوق صيني خامه معتمده و ماتور 24 لامه 13 الف لفه و انا استخدمته كتيرررر و بدون مشاكل بفضل الله بي 80 جنيه
2/شفشق خلاط ماركه دهب يقال انه ضد الكسر بس هو خامه نظيف و السكينه بتاعه حاميه و يمكن تغير القلب بتاعه في المستقبل بمعدن بي 30 جنيه
3/مطحنه توابل او سكر مصري درجه اولي بي 20 جنيه
4/بودي معدل بلمبه مصري خامه متوسط بي 20 جنيه و خامه درجه اولي 30 جنيه
5/كابل خلاط كهرباء بي 7.50 جنيه
6/ مفتاح تشغيل خلاط بي 1.50 جنيه
7/لمبه بيان تشغيل بي 2 جنيه
8/ كاوتشه خلاط مصري بي 2 جنيه
كده خلاصنا كمان من القطع و اسعاره و الاسعار ده بتاعه امبارح فقط الثلاثاء 31/7/2018 يعني محدش يقولك الاسعار ده خلصت
مكان الشراء من شبرا الخيمة عند كرستال عصفور علشان دول جمب البيت عندي ولكن في محل تاتي في اول نجيب الريحاني من كلوبيك شركه الحمد صلاح الصعيدي دول نفس الاسعار و ناس ثقه و محترمين جدااا
طريقه التجميع سهل جدا جداا و هقوم بتصوير فديو كامل عن الطريقه بالكامل و هكون جاهز للي استفسار
اخيرا هذا العمل لوجه الله بدون مقابل فقط مقابل دعوه في ظهر الغيب بصالح الاعمال لي ولعائلتي
تعديل تم اضافه رابط الفديو
#الورشه_اونلاين_مجتمع_مبدع
#احنا_بتوع_الصيانه
#الورشه_اونلاين_هتصلح_كل_حاجه_بمجهودك