السلام عليكم ورحمة الله وبركاته
الاخوه الكرام تحيه طيبه و لكم مني كل تقدير
البوست هو تغير ملفات (استيتور المروحه) اي مروحه عندك بدون الحاجه لاي صنايع و الاكتفاء بشويه خبره و توكل علي الله و ان شاء الله جاري تصوير فديو بكامل الشرحاولا في شويه حجات علشان تقيم الموضوع
تغير الاستيتر او الملفات يكون مفيد في حالات الاتيه
لو الماتور توشيبا
لو الماتور تايواني موديل قديم المونيم
لو الماتور سوني
لو الماتور فريش
المهم لو الماتور اي ماركه مشهور السبب ان الشركات ده بتهتم بحجم الماتور و خامته و تغيرك للملفات يبقي بتحي الماتور من جديد مع مراعات ان يكون الجلب سليمه او تقوم بتغيرها معك بالمره و تكلفتها 5 جنيه ( هحط لينك الفيديو تحت)
ايه الفرق بين تغير الملفات او شراء ماتور جديد
الفرق مش بس فرق سعر الملفات بتتغير بي 65 جنيه و اقل ماتور اواشاش صاج 140 جنيه
الفرق ان كمان الماتور الجديد الوات بتاعه اقل من القديم بتاعك ولو مقارب للواط بتاعك القزيم هيكون غالي
و كمان الماتور الجديد ممكن يكون ملفوف بسلك المونيم مم يخلي عزم الماتور قليل و شايف المروحه بتلف قدامك بس مفيش هواء جاي
وهنا نقول ان الملفات الملفوفه افضل لان تم لفها بنفس مواصفه الملفات القديمه و ده معناه ان المروحه هترجع طبيعي مثل الجديد بنسبه 90 % لو الميكانيكا او اقصد الجلب تمام التمام الي هيا بي 5 جنيه
طيب هتسؤالني هل تغير الملفات صعب ام سهل
هقولك الملفات ده اخطر جزء في المروحه و اغلها و من هنا لو هي باظ عندك يبقي اتوكل عاي الله و جرب هتخسر ايه اكتر من 65 جنيه سعر الملفات ولكن لو كسبت هتكسب حجات كتيررررر زي
الاهل هيفرح اوووي ان حضرتك اجتهد و عمل حاجه مميزه في البيت
هيبقي موضوع فك المروحه و تزيتها كل سنه لعبه بالنسبالك لان خلاص خبرتك بقت ممتازه
هتوفر علي نفسك الوقع ضحيه صنيعي ضميره مخستع شويه و يقولك يلهووووي ده كانت هتنفجر في الشقه و ربنا نجاكم 😁😁
الخلاصه يا هندسه اسمع مني
ان شاء الله يوم السبت هعمل تصوير كامل لطريق تغير الملفات الاستيتر بتاعه المروحه و الشرح هيطبق عاي اي مروحه مكتب او حائط او عمود او بوكس
جمد قلبك اقصي خساره هتحصل لقدر الله ماتور جديد بي 140 جنيه و ان شاء الله تنجح و ترجع المروحه احسن من الاول
افضل مكانين تغير منهم الاستيتر بتاعك القديم (هتسلم الملفات القديم و تاخد الجديده) مقابل 65 جنيه او 70 جنيه علي حسب النوع
المكان الاول شبرا الخيمة عند كرستال عصفور امام المسجد
المكان التاني اخر شارع كلوت بيك من ناحيه شارع نجيب الريحاني في محلين جنب بعض
للاسف البوست ده متاخر شويه كان المفروض من اول الصيف ولكن انا اسف الشغل عندي صعب اووي الايام ده دعواتكم بالتوفيق
معلومات هامه جدا لازم تعرفها من المحل عند التغير
1.طرف المشترك بتاع المكثف و الكهرباء و طرف المكثف لوحده و 3 اطراف السرعات لان التوصيل الخاطئ يادي لحرق الملفات
2. رقم المكثف الي هشتغل بيه كام مثلا 2 ميكروفراد او 2.5 او 3.و ياريت تشتري واحد جديد بي 5 جنيه
3. لازم يقيس قدامك الملفات بالسريه و متشتريش لو مجربش علشان ميطلعش قاطع و تتصدم في البيت بذات تاكد علي قياس طرفين المكثف لان دول بدايه الملفات و نهايتها و هيبقي نور لمبه السيريه ضعيف جدا في الطرفين دول عكس اطراف السرعات نورها اعلي
4. مكان خروج الكابل هل قدام ام بالخلف و معظم الانواع بيكون من الخلف معاده انواع قليله من ضمنها الكرون القديم و التيواني القديم ابو وشاش المونيم
لو عكست خروج الكابل معنها انك عكست الاستيتر بالكامل و هنا المروحه هتشتغل بالعكس
اخير وليس اخرا انا تحت امر اي حد يحاول يشتغل بايده و يبدع لان ده منهج ان كل الناس تبقي افضل
دعواتكم بصالح الاعمال و ان شاء الله نكون قدرت افيد باي شي بسيط و انتظر الفديو باذا الله يوم السبت